Manipulimi i Kontrates Kolektive nga Posta Shqiptare

Posted on by

Denoncim – Sindikata e Punonjesve te Poste-Telekomit Shqiptar (SPPTSH) firmetare e kontrates kolektive qe nga vitet 1990 me Posten Shqiptare me ane te kesaj video denoncon publikisht me argumenta dhe fakte se si u manipulua procesi i lidhjes se kontrates kolektive me Posten Shqiptare.
Ne denoncojme gjithashtu te gjitha veprimet e POSTA SHQIPTARE dhe presionin psikologjik te ushtruar ku punonjesit detyrohen kundrejte vullnetit te tyre te nenshkruanjne per sindikaten qe Posta Shqiptare kerkon ta kete nen kontrollin e saj duke cenuar te drejtat e punonjesve dhe duke shkelur hapur kodin e punes qe ndalon veprimet e nderhyrjes te punedhenesit. (Neni 184).

Keto pyetje dhe shume te tjera te dokumentuara me fakte gjejne pergjigjen ne videon dhe tekstin e meposhtem:

SI U MANIPULUA PERZGJEDHJA E SINDIKATES PER FIRMOSJEN E KONTRATES KOLEKTIVE NE SHOQERINE AKSIONERE “POSTA SHQIPTARE”

Posta Shqiptare është shoqëria më e madhe tregtare e shërbimeve postare, me 2400 punonjes ku aksioneri i vetem eshte shteti shqiptar. Sindikata e  punonjesve te Poste-Telekomit Shqiptar (SPPTSH) dhe Federata Sindikale e punonjesve te Poste-Telekomunikacionit te Shqiperise (qe vitin e fundit ka ndryshuar emer ne Sindikata e punonjesve te postes shqiptare) kane qene bashke firmetare te kontrates kolektive qe nga vitet 1990. Ne vitin 2015, POSTA SHQIPTARE do te nenshkruante nje kontrate kolektive me nje sindikate qe vinte nga sektori energjitik duke lene jashte nenshkrimit te dy sindikatat. Kontrata ishte ne shkelje te plote te procedurave ligjore. Konflikteve midis Postes dhe Sindikates se asokohshme cuan ne prishjen e kontrates kolektive te njeaneshme nga POSTA SHQIPTARE.

Ne fund te 2017 ne drejtimin e postes Shqiptare, emerohet z. Laert Duraj. Drejtori i ri i emeruar do te nxirrte nje njoftim ne date 22.01.2018 ku i bente thirrje sindikatave te paraqisnin dokumentacionin perkates per fillimin e bisedimeve per kontraten kolektive.

Juristet e Postes Shqiptare kishin harruar ta informonin drejtuesin e tyre se firmosja e kontrates kolektive nuk trajtohet si “tender” pasi bazuar ne kodin e punes jane sindikatat qe duhet te dergojne kerkesen per bisedime kolektive, por ne njoftimin zyrtar u vu re perseri paaftesia e personave hartues. Referimi i bazës ligjore nuk ishte i saktë pasi i referohej Ligjit te vitit 1991 i shfuqizuar që me hyrjen në fuqi të Kodit të Punës në vitin 1995,  Nese do ti referoheshin kodit te punes dokumentacioni qe do kerkohej do te ishte vetem kopja e statutit dhe treguesit e perfaqesueshmerise.

Ligjit nr.7516, datë 07.10.1991 “Për Sindikatat në Republikën e Shqipërisë”.

SPPTSH  depozitoi te gjithe dokumentacionin e kerkuar brenda afatit:

  • –     Statutin e Sindikatës.
  • –     Aktin e themelimit.
  • –     Vendimin e Gjykatës lidhur me rregjistrimin si person juridik të SPPTSH-së
  • –     Vendimin e Gjykatës per njohjen ligjore te Kongresit të 7-të së SPPTSH-së
  • –     Treguesit mbi përfaqësueshmërinë

Prane Postes Shqiptare kishin mberritur 5 Kerkesa, te cilat u afishuan sipas kodit te punes. SPPTSH vuri re shkelje ne dorezimin e dokumentacionit nga palet e tjera te interesuara dhe kerkoi te informohet mbi keto shkelje me ane te nje shkrese zyrtare:

  1. Federata Sindikale e Ndërtimit dhe Punëve Publike kishte depozituar kërkesë për “takim pune” në Posta Shqiptare me nr. prot.139 datë 12.01.2018, ndërkohë që nuk kishte paraqitur një kërkesë zyrtare në vijim te njoftimit të datës 22.01.2018 të shoqeruar me dokumentacionin përkatës. Gjithsesi kjo kërkesë u mor parasysh dhe u afishua si kërkesë për kontratën kolektive.
  2. Sindikata e Punonjësve të Postës Shqiptare kishte depozituar kërkesën e saj me nr.prot. 3513 në datën 15.11.2017, ndërkohë që nuk kishte paraqitur një kërkesë zyrtare në vijim të njoftimit të datës 22.01.2018 të shoqëruar me dokumentacionin përkatës dhe treguesit e përfaqësueshmerisë. Gjithsesi kjo kërkesë u morr parasysh dhe u afishua si kërkesë për kontratën kolektive.
  3. Sindikatat e Pavarura të Shqipërisë, kërkesën e depozituar me nr.prot 434/1 datë 02.02.2018 nuk e kishte të shoqëruar me dokumentacionin përkatës dhe treguesit e përfaqësueshmërisë.
  4. Konfederata e Sindikatave të Shqipërisë e cila përfaqëson Federatën e Sindikatave të Punonjësve të Transportit dhe Telekomunikacionit të Shqipërisë kishte depozituar kërkesën e saj me nr.prot. 335 datë. 25.01.2018. Nga informacioni që ne disponojmë përfaqësuesi ligjor i kësaj Federate z. Edison Hoxha, që prej muajit Dhjetor 2017 ishte larguar nga kjo Federatë. Kjo na bën të dyshojmë se kërkesa nuk është firmosur dhe paraqitur nga Federata e Sindikatave të Punonjësve të Transportit dhe Telekomunikacionit por nga Konfederata e Sindikatave të Shqipërisë e cila ka qenë palë e interesuar në këtë proces.

Edhe pse eshte detyrim ligjor dhenia e informacioneve brenda 1 jave kalendarike ne lidhje me ceshtjet e bisedimeve, Posta Shqiptare duke shkelur kodin e punes nuk e ka dhene nje informacion te tille.

Ne daten 06.04.2018 Posta Shqiptare, jashte cdo afati ligjor dergon nje njoftim-kthim pergjigje per perzgjedhjen e sindikates ku lajmeron se asnje nga sindikatat nuk eshte perzgjedhur pasi nuk permbushnin kerkesat. Per SPPTSH-ne, posta konstatonte dy mungesa, Aktin e Themelimit dhe Proven e perfaqesueshmerise.

1-Ne date 23.04.18, SPPTSH i dergon Postes pergjigjen e saj duke i kerkuar rivleresimin e procedurës së përzgjedhjes së Sindikatës, ku ne lidhje me mungesën e “Aktit të Themelimit”, ka sqaruar Posten shqiptare se organizatat sindikale te krijuara perpara 1995 nuk kane pasur nje akt themelimi dhe jane rregjistuar ne gjykata mbas themelimit te tyre. SPPTSH i ka vene ne dispozicion Postes vendimin e Gjykates nr.3 datë 08.06.1994 per rregjistrimin e sindikates. Këto dokumente mbeshteten edhe ne vendimin më të fundit të gjykatës së rrethit gjyqësor Tiranë për njohjen e Kongresit të 7-të të SPPTSH-së, ku më konkretisht gjykata konstaton se SPPTSH ka fituar personalitet juridik në përputhje me ligjin e vitit 1991.Rrjedhimisht konstatimi i postes nuk është i sakte, pasi nuk kemi të bëjmë me rast të mos-dorëzimit të një dokumenti.

Sipas nenit 163 citojmë: “Kërkesa për fillimin e bisedimeve për lidhjen e kontratës kolektive bëhet me shkrim. Ajo shoqërohet me kopjen e statutit të organizatës ose organizatave kërkuese sindikale, si dhe me treguesit e nevojshëm mbi përfaqësueshmërinë e këtyre të fundit në ndërmarrje, ndërmarrjet ose degën e caktuar.”

2-Në lidhje me “Provën e Përfaqësueshmërisë” ka nje referim të gabuar, pasi në këtë rast kemi të bëjmë me “Treguesit mbi përfaqësueshmërinë” dhe jo “Provën e Përfaqësueshmërisë” të cilat janë dy koncepte të ndryshme bazuar në kodin e punës, nenet 163-165. Në kërkesën më datë 22.01.2018 Posta referuar Kodit te Punës neni 163, kërkon “Treguesit e Përfaqësueshmërisë”. SPPTSH ka depozituar listat emërore të anëtarësisë të rifreskuara gjatë muajit Janar-Shkurt 2018 për të vërtetuar treguesit e nevojshëm mbi përfaqësueshmërinë në ndërmarrje.

Sipas Nenit 163 pika 5 citojmë “Nëse përfaqësueshmëria e organizatës ose e organizatave sindikale, që kërkojnë fillimin e bisedimeve, nuk është kundërshtuar, veprohet sipas nenit 165, të këtij Kodi. Në këtë rast, përfaqësueshmëria e organizatës ose organizatave sindikale nuk mund të kundërshtohet gjatë dy vjetëve.”

Theksojmë se duke filluar që nga afati i detyrimit te afishimit te kërkesave, nuk janë kundërshtuar në asnjë moment treguesit e përfaqësueshmërisë së SPPTSH. Sipas kodit te punes vetem nese Posta do te kundershtonte Treguesit e perfaqesueshmerise, atehere cdo organizate duhet te depozitoje “proven” në formën e një vërtetimi noterial, ku noteri vërteton numrin e anëtarëve të organizatës sindikale.Ne asnje moment Posta Shqiptare nuk ka kundershtuar perfaqesueshmerine brenda afateve dhe nuk ka kerkuar proven e perfaqesueshmerise.

Sipas Nenit 164 citojmë “Nëse përfaqësueshmëria e organizatës ose organizatave sindikale, që kanë kërkuar fillimin e bisedimeve kundërshtohet, çdo organizatë sindikale e interesuar duhet t’i dorëzojë punëdhënësit ose organizatës së punëdhënësve, me shpenzimet e veta, provën e përfaqësueshmërisë. Kjo provë paraqitet në formën e një vërtetimi noterial, ku noteri vërteton numrin e anëtarëve të organizatës sindikale, në bazë të kuotizacioneve të paguara gjatë dy vjetëve të fundit ose deklarimeve, me shkrim ose me gojë, të punëmarrësve anëtarë.

Meqenëse gjatë kësaj periudhe nuk janë kundërshtuar treguesit e përfaqësueshmërisë, nga ana e punëdhënësit atëherë “Prova e Përfaqësueshmërisë” që Posta konstaton nuk i referohet rastit konkret dhe situatës në të cilën ndodhemi. Në këtë fazë të procesit, Posta Shqiptare, duhet të procedonte sipas nenit 165 të Kodit të Punës, duke pritur ne takim palen kerkuese.

Posta Shqiptare nuk i ka kthyer asnje pergjigje kerkeses se SPPTSH per rivleresim. SPPTSH ka qene vazhdimisht ne kontakt me Drejtuesit e Postes, ku i deleguari i Drejtorit te Pergjithshem, Shefi I Kabinetit z.Tildi Cadri ju ka deklaruar se procedura është pezulluar dhe në momentin e nënshkrimit të  kontratës kolektive do të nënshkruhet me te dy sindikatat. Por ne daten 18.04.2019 në rrjetin social Facebook te Postes Shqiptare SPPTSH njoftohet se kontrata kolektive është firmosur vetëm me Sindikata e Punonjësve të Postës Shqiptare. SPPTSH me ane te shkreses date 19.04.2019 kerkoj te informohet perseri ne lidhje me proceduren dhe njekohesisht i ka kerkuar Ministrise se Financave dhe Ekonomise ngritjen e zyres kombetare te pajtimit.

Ne 16 Maj 2019, eshte mbledhur zyra kombetare e pajtimit. Nga procesverbali i ketij takimi u mesua qe Posta Shqiptare kishte rihapur serish nje procedure ne fshehtesi te plote per bisedimet kolektive. Zyra kombetare e pajtimit konstatoi se ky njoftim nuk u eshte derguar te gjitha paleve te interesuara, por vetem asaj me te cilen ishte lidhur tashme kjo kontrate dhe nje sindikate tjeter inekzistente. Pavaresisht kesaj zyra kombetare e pajtimit mori nje vendim te cuditshem ku i propozon punedhenesit te perzgjedh sindikaten me te perfaqesuar. SPPTSH e ka kundershtuar kete procedure, qe duhet te bente pajtimin mes paleve e jo te merrte nje vendim qe ngre hije te renda dyshimi edhe per paanesine e kesaj zyre. SPPTSH kundershtoi kete vendim duke konstatuar se:

1.Ne procesverbalin e zyres se pajtimit, perfaqesuesja e postes Znj. Sinanaj shprehet se ne vijim te njoftimit te dates 22.01.2018 kane qene 4 sindikata te interesuara. Znj. Sinanaj ka mashtruar zyren kombetare te pajtimit me deklarata te rreme. Ne kete proces kane shprehur interes 5 sindikata dhe jo 4, ku sindikata e pa shenuar ne kete pjese eshte Federata Sindikale e Ndertimit Drurit dhe Punes Publike te Shqiperise, qe ka paraqitur kerkese ne date 18.01.2018 perpara afatit te njoftimit date 22.01.2018. Cuditerisht me vone na rezulton qe paska marr pjese edhe te njoftimi i dyte i dates 21.02.2019. Ne kete pike perfaqesuesja e postes znj. Sinanaj ka fshehur kete shkrese e cila normalisht eshte afishuar gjate procesit te afishimit ne datat 09.02.2018-23.02.2018. Rezulton se jane 5 kerkesa te protokollura dhe te afishuara ne filialet e saj sic mund ta shihni edhe ne fotot perkatese.

  1. Znj. Sinanaj perseri ka mashtruar per kerkesen e Sindikates se Punonjesve te Postes Shqiptare, qe eshte paraqitur me nr.364 prot, date 29.01.2018. Kjo shkrese eshte e manipuluar dhe nuk eshte ajo qe eshte afishuar gjate periudhes se afishimit. Sic shihet kerkesa e Sindikates se Punonjesve te Postes Shqiptare, e afishuar mban nr. 3513 prot. daten 15.11.2017. Pra edhe kjo kerkese njesoj si dhe Federata Sindikale e Ndertimit Drurit dhe Punes Publike te Shqiperise eshte paraqitur perpara afatit. Duke qene se familjar te afert te Kryetarit te kesaj sindikate z.Ylli Balta jane njekohesisht ne strukturat drejtuese te postes, lindin dyshime se kjo shkrese e modifikuar eshte vendosur me mbrapa nga persona te tjere brenda institucionit qe ndihmojne kete Sindikate ne menyre arbitrare. Kjo gje perforcohet edhe me vazhdimesine e procesit ku te vetmet qe kane shprehur interes jane keto dy sindikata qe kane pasur edhe dokumentacionin me te pasakte ne procesin e pare.

Sipas deklarimeve Znj. Sinanaj nxjerr ne pah pretendimet e SPPTSH, se  Sindikata e Punonjesve te Postes Shqiptare,favorizohet dhe ndihmohet nga persona brenda Postes Shqiptare. Kerkesa e kesaj sindikate eshte depozituar perseri perpara afatit ne daten 13.02.2019 ndersa njoftimi nga Posta Shqiptare eshte bere ne daten 21.02.2019. Posta pretendon se sindikata tjeter e perdorur sa per te treguar qe ka konkurence sepse ne te vertet eshte nje sindikate inekzistente dhe komplet jashte sektorit postar, eshte eleminuar se e ka pasur kerkesen jashte afatit, ndersa sindikata e Punonjesve te Postes Shqiptare, eshte pranuar edhe pse e ka dorezuar perpara afatit. Posta Shqiptare duke u munduar te mbuloj kete proces te parregullt krijon parregullsi te tjera duke u bere qesharake dhe duke nxjerr ne pah paaftesine e stafit te saj qe i shkelin procedurat kaq hapur.

Kthimi mbrapsht i procedures se perzgjedhjes se sindikatave eshte nje veprim i hapur per te favorizuar Sindikaten e Punonjesve te Postes Shqiptare. Perfaqesueset e Postes Shqiptare per keto deklarata te rreme qe cuan ne nje vleresim jo te sakte te procedures nga ana e zyres kombetare te pajtimit, ne kete rast duhet te mbajne jo vetem pergjegjesi administrative sipas kodit te punes, por edhe penale.

Kryerja për shkak të detyrës e në ushtrim të saj, nga ana e punonjësit me funksion shtetëror apo në shërbim publik, të dallimeve mbi bazë origjine, seksi, orientimi seksual ose identiteti gjinor, gjendjes shëndetësore, bindjeve fetare, politike, të veprimtarisë sindikale ose për shkak të përkatësisë në një etni, komb, racë apo fe të caktuar, që konsiston në krijimin e privilegjeve të padrejta ose në refuzimin e një të drejte ose përfitimi që buron nga ligji, dënohet me gjobë ose me burgim gjer në pesë vjet.

Nga vezhgimi qe SPPTSH ka bere gjate kesaj periudhe nuk ka pasur asnje afishim apo njoftim zyrtar ne filialet e Postes – Shqiptare. Ne rastin e procedures se pare cdo filiali i eshte derguar me email nga znj. Nisa Sinanaj (bashkëngitur mund te gjeni dhe emailin ku del dhe njehere hapur qe kane qene 5 kerkesa zyrtare ne proceduren e dates 22.01.2018). Edhe ne process verbal nuk deklarohet asnje gje nese eshte kryer procedura e afishimit apo jo. Pra na rezulton qe posta shqiptare nuk e ka respektuar proceduren e afishimit. Bazuar ne kodin e punes kontrata kolektive e lidhur pa respektuar eshte e pavlefshme.

SPPTSH ne baze te provave te paraqitura eshte mese e bindur se ky proces eshte teresisht i deformuar. Per kete arsye ka kundershtuar Vendimin e Zyres Kombetare te Pajtimit dhe ka kerkuar te arrihet nje dakortesi per firmosjen e kontrates kolektive gjithe perfshirese pasi palet kane raportuar te ndara dhe nuk jane ballafaquar nga zyra e pajtimit. Zyra Kombetare e Pajtimit i ka mohuar paleve te drejten e arritjes se nje pajtimi.

Kodi i Punës – Neni 193 dhe ne VKM  Nr. 436, datë 17.5.2017 “PËR PROCEDURËN E PAJTIMIT DHE SHPËRBLIMIN E ANËTARËVE TË ZYRAVE SHTETËRORE TË PAJTIMIT” – detyra e zyrës kombëtare të pajtimit është “PAJTIMI I PALEVE”.  Referuar pikës 3 dhe 4 te VKM-se nr. 436, – “Nëse palët, gjatë shqyrtimit të konfliktit në zyrën e pajtimit, pajtohen, hartohet një procesverbal i cili, pasi nënshkruhet prej tyre, merr fuqinë e kontratës kolektive, e detyrueshme për t’u zbatuar nga këto palë” dhe “Në mungesë të një pajtimi të drejtpërdrejtë të palëve, gjatë debateve në seancat e shqyrtimit, zyra e pajtimit propozon pajtimin e tyre”,

Aktualisht SPPTSH po ndjek edhe rrugen gjyqesore per te demaskuar kete proces te padrejte, ku posta shqiptare kerkon te kete nje sindikate nen kontrollin e saj. Por SPPTSH pret pergjigjen e ketyre pyetjeve:

  1. Pse Posta Shqiptare nuk ka berë në asnjë moment transparencën e procesit?
  2. Pse Posta Shqiptare nuk e ka marrë parasysh kërkesën e SPPTSH per rivlerësim?
  3. Pse Drejtori i Përgjithshëm i Postës z. Duraj i udhëzonte Drejtorët Rajonal të ndalonin punonjësit të bëheshin pjesë e SPPTSH-së?
  4. Kush i ka ndryshuar kërkesat e depozituara nga Sindikata e përfaqësuar nga z. Ylli Balta?
  5. A mendon vërtet Posta Shqiptare, që një kryetar Pensionist mund të jetë i aftë të përfaqësoj denjësisht punonjësit e saj?
  6. Pse po detyrohen punonjësit të firmosin për këtë sindikatë z, Duraj?
  7. Pse Drejtori i Përgjithshëm i postës merr pjesë dhe organizon strukturat e sindikatës, kur ai përfaqëson punëdhënësin?
  8. Cfarë e shtynë z. Duraj ta ndihmoj kaq shumë Sindikatën e përfaqësuar nga z. Ylli Balta.?
  9. Si ka mund
  10. Kush duhet të mbajë përgjegjësi për të gjithë këtë teatër?

Nëse drejtuesit e Postës nuk arrijnë ti përgjigjen dot këtyre pyetjeve, do ti përgjigjemi ne me fakte dhe prova të tjera.