Permbledhja e kontrates kolektive me “Makhes”

Sindikata e Punonjesve te Poste-Telekomit Shqiptar, ka kenaqesine te njoftoje te gjithe punonjesit e kompanise Makhes se mbas negociatave me punedhenesin eshte arritur firmosja e kontrates kolektive.

Gjate ketyre negociatave Sindikata eshte fokusuar per zgjidhjen e problematikave dhe kerkesave, te cilat jane identifikuar gjate takimeve me punonjesit e kompanise. Mbas analizimit te tyre eshte mbajtur ne fokus sidomos pjesa e te punuarit me ore te zgjatura, mos pagesa e oreve jashte orarit, shqetesimet per mos informimin mbi pagen dhe oret shtese te paguara, siguria dhe shendeti ne vendin e punes, indeksimi i pagave, mungesa e bazes materiale etj.

Te gjithe punonjesit ata aktual,si dhe ata qe kane filluar pune rishtazi ne Makhes duhet te informohen mbi te drejtat kryesore qe lindin nga kjo Kontrate Kolektive. I gjeni te permbledhura si me poshte:

Kontrata kolektive – Makhes Albania

1. Punedhenesi eshte i detyruar te respektoj dhe mbroje personalitetin e Punemarresit, si dhe te marr te gjitha masat e nevojshme per te garantuar sigurine dhe mbrojtjen e shendetit mendor dhe fizik te punonjesve.
2. Punedhenesi per te parandaluar aksidentet dhe semundjet profesionale duhet te percaktoje qarte rregullat e sigurimit teknik dhe te kualifikoje punemarresit per zbatimin e ketyre rregullave, sipas dispozitave ligjore ne fuqi.
3. Punedhenesi detyrohet te siguroje me shpenzimet e veta: kushtet e nevojshme te ambienteve te punes, mjetet e punes, uniformat e punonjesve te rrjeteve, trajnimin e punonjesve brenda vitit sipas nevojes dhe pozicioneve te punes qe ka shoqeria.
4. Punedhenesi bie dakort nje here ne vit te beje indeksimin e inflacionit ne masen jo me pak se norma e inflacionit publik.
5. Ne perfundim te cdo viti kalendarik, gjate afatit te zbatimit te kesaj Kontrate, si dhe bazuar ne performancen dhe fuqine paguese te kompanise, Punedhenesi bie dakort te jape nje shperblim te barabarte me jo me pak se 5,000 (pese mije) Leke Neto.
6. Punedhenesi detyrohet te zbatoje parimin e barazise ne shperblim, per pune te njejte ose pune me vlere te barabarte, pa diskriminuar asnje.
7. Punedhenesi, nuk duhet te mbledh informacione lidhur me punemarresit,perveç rasteve, kur keto informacione lidhen me aftesite profesionale te punemarresve ose jane te nevojshme per zbatimin e kontrates. Punedhenesi eshte i detyruar te marre masa sigurie per mbrojtjen e te dhenave personale te punemarresve ne perputhje me legjislacionin per mbrojtjen e te dhenave personale.
8. Per grate shtatzena pushimi do te jete cdo 3 ore, jo me pak se 30 minuta. Ndalohet kryerja e oreve shtese te punes nga grate shtatzena,si dhe pas lindjes se femijes derisa femija te mbushe moshen 1 vjeç.Gjithashtu ndalohet kryerja e oreve shtese per personat me aftesi te kufizuar.
9. Punedhenesi i paguan rregullisht pagen Punemarresit nje here ne muaj, me perjashtim te atyre rasteve kur palet kane parashikuar ndryshe ne nje marreveshje me shkrim. Punëshënësi njofton në mënyrë perodike punëmarësit në lidhje me pagesën e dhënë sipas punës së kryer nga secili punëmarës. Njoftimi për këtë qëllim do të kryhet në adresat e postës elektronike, ose nëpërmjet dërgimit të sms, sipas përcaktimeve që do të bëhen në kontratat individuale të punës.
10. Oret shtese qe kerkohen te kryhen per nevoja te Shoqerise nuk duhet te kalojne 200 ore ne vit.
11. Nuk mund te kerkohet kryerja e oreve shtese javore kur punemarresi ka kryer 48 ore pune ne jave.
12. Punedhenesi per oret shtese te punes qe nuk jane kompensuar me pushim duhet t’i paguaje punemarresit pagen normale dhe nje shtese jo me pak se 25% te saj.
13. Oret shtese te punes te kryera gjate pushimit javor ose ne ditet e festave zyrtare kompensohen me pushim ose page te pakten 50% me te madhe se oret shtese te bera nga paga normale.
14. Punonjesit do te kene te drejten e jo me pak se 36 ore pushimi javor, prej te cilave 24 ore pa nderprerje.
15. Puna e kryer ne diten e pushimit javor kompensohet me nje shtese page, jo me pak se 25%, ose me nje pushim te pagueshem, te barabarte me kohezgjatjen e punes se kryer plus nje pushim shtese, jo me pak se 25% te kohezgjatjes se kesaj pune.
16. Puna e kryer ne ditet e festave zyrtare, kur ato bien dite pune, kompensohet me nje shtese mbi page, jo me pak se 25% dhe me nje pushim te pagueshem, te barabarte me kohezgjatjen e punes se kryer ne ditet e festave zyrtare.
17. Pushimi merret nje jave para ose pas kryerjes se punes.
18. Kohezgjatja e Lejes Vjetore eshte jo me pak se 4 (kater) jave kalendarike gjate vitit te punes e ne vazhdim.Kur punemarresi nuk ka kryer nje vit pune te plote, kohezgjatja e pushimeve vjetore te paguara percaktohet ne raport me kohezgjatjen e marredhenieve te punes. Periudha e paaftesise se perkohshme ne pune konsiderohet si kohe pune.
19. Per punonjesit qe fillojne pune ne shoqerine MAKHES Albania e drejta e pushimeve vjetore i fillon pasi punonjesi te kete kryer periudhen tre mujore te proves. Kur punëmarrësi nuk ka kryer një vit pune të plotë, kohëzgjatja e pushimeve vjetore të paguara përcaktohet në raport me kohëzgjatjen e marrëdhënieve të punës.
20. Punedhenesi duke marre parasysh deshiren e Punemarresit percakton daten e fillimit te pushimeve vjetore te paguara duke e njoftuar te pakten 15 dite perpara. Pushimi vjetor shtyhet kur punemarresi, gjate periudhes se ketij pushimi ka nje raport mjekesor.
21. Pushimet vjetore duhet te jepen gjate vitit te punes ose deri ne fund te tre muajve te pare te vitit pasardhes. E drejta e pushimeve parashkruhet brenda tre vjeteve nga dita ne te cilen punemarresit i lind kjo e drejte.
22. Kur marredhenia e punes ka perfunduar dhe punemarresi nuk i ka kryer pushimet qe i takojne. Ne kete rast, ai ka te drejte per nje shperblim te barabarte me pagen e ketyre pushimeve.

Te drejtat dhe Lirite Sindikale

• Lejohet pjesemarrja e lire dhe vullnetare e punonjesve ne sindikate dhe askush nuk mund te diskriminohet per kete arsye.
• Punedhenesi duhet te informoje perfaqesuesit e punemarresve dhe te konsultohet me ta rregullisht, se paku, nje here ne vit, per aktivitetet aktuale dhe te ardhshme te ndermarrjes.
• Punedhenesi ne perputhje me dispozitat e Kodit te Punes , ka te drejte te transferoj pjese te kompanise apo kompanine,duke siguruar ne cdo rast mbrojtjen e te drejtave dhe detyrimeve te punemarresve, qe lindin nga kjo kontrate tek punedhenesi i ri.Ne kete rast , Punedhenesi do te konslutohet me perfaqesuesin e Punemarresve,sipas percaktimeve ligjore.
• Punedhenesi ne rastet e pushimit kolektiv, respekton percaktimet e nenit 148 te Kodit te Punes se Republikes se Shqiperise,ne lidhje me proceduren qe duhet te ndiqet dhe perfitimet e punemarresve te perfshire ne te.

Firmosja e kontrates kolektive nuk eshte mbarimi i njeres prej detyrave kryesore te sindikates,por eshte fillimi i punes per monitorimin e respektimit te te drejtave qe rrjedhin nga kjo kontrate. Pavaresisht se me ane te kesaj kontrate eshte bere nje arritje per te vendosur ne kontrate nje pike qe detyron punedhenesin t’ju dergoj Informacion mbi Pagen dhe Oret Jashte Orarit cdo muaj punonjesve, ne mbetemi te angazhuar per te monitoruar implementimin e kesaj pike.

Sindikata po vazhdon punen dhe eshte ne negociata me Albtelecom per dy ceshtje te rendesishme sic eshte paketa ADSL+IPTV dhe dita e Diel Pushim. Ashtu si Sindikata ndermjetesoi marredhenien midis Makhes & Albtelecom per te shtyre bileten nga 24 ore ne 48 ore,ne menyre qe te gjithe punonjesit e rrjeteve te benin pushim gjate festave zyrtare, po punon per zgjidhjen edhe te ketyre dy kerkesave.

Puna po vazhdon edhe per monitorimin e aplikimit te indeksimit te pagave, sigurimin e punonjesve dhe realizimin e check-up mjekesore per te gjithe punonjesit.